اليوم موضوعنا الكم عن
زياره لجنه الUN للبيت اوضحلكم بالتفصيل مع الاجوبه لبعض الاسئله الي يسألوكم
واتمنى تستفادووون
-----------------------------
خلال هاي الفتره انتشرت هذه الزياره بالنسبه للعوائل
او بعض الشباب للبيوت
من قبل موظفين من الامم المتحده UN
اغلب الاخوه ديسألون ذوله منو وشنو شغلهم
اليوم نتكلم عن هذه الزياره والاسئله والاجوبه الي يسألوكم بالمقابله الخاصه بالجنه
بالبدايه اوضح الكم انهو هذه اللجنه تابعه للامم المتحده (انقره) يعني لا icmc ولا محلفين مثل مطلعت بعص الاشاعات
طبيعه الزياره..
تجيكم سياره مكتوب عليها UN بيها موظفين 2 او 3
طبعا واحد بيهم على الاقل اجنبي وياهم مترجم عربي او عراقي ويخابروك قبل اسبوع او اقل ويكلولك السلام عليكم حظرتك فلان
موجود بمحافظتك
لجنه من اسام انقره تريد تجيك زياره للبيت عندك اعتراض
طبعناا هناا 👆
لي مكاعد بمحافظته يضل يذب الوان من يخابروو
لذلك لازم كل واحد يكعد بمحافظته محاجه للمحالفات حتى لو جنت كل اسبوع تروح توقع وترجع بالنسبه للجنه هاي ميهمها اذا كنت كاعد بمحافظتك او لكن النقطه المهمه لي حتفتح عليك باب وين ..؟؟
انزل اقره👇👇
ويجي واحد يكول شلون ديعرفوني ويندلوني .؟؟
العنوان احتمال ياخذو من الامنيات
او يطلبو منك على التليفون
او ياخذو من مكتب اسام ومن المحتمل ان يجي ابو مكتب اسام وياهم او مترجم الامنيات للبيت
وهنا يكشفك انت ضارب امنيات محافظتك
.................................................
تجيك اللجنه للبيت ويدكون الباب ويفوتون بعد ميكونون محددين يوم وتاريخ وساعه للزياره
طبعاا كلش حبابين ومتعاونين واسلوبهم حلووو
انتو اول ميطبون ضيفووهم سولهم من هذا الجاي العراقي (محمود لو جيهان)
ويبدون وياكم بأسئله اشبه بالمقابله.
من اهم الاسئله الي دتنطرح عليكم.......
● اسم صاحب الملف
● اجار البيت
ويطالبوك بالعقد ان وجد ويصوروا
● عندك حواله
لا او نعم
لكن من تكله نعم مو تكله تجيني 8 اوراق بالشهر
كله تجيني ورقه لو ورقتين بالزايد
● مصرف البيت الشهري تقريباا شكد
● تشتغل او تشتغلين
● دخلكم الشهري شكد
● عندك اقرباء بالخارج
● يساعدوك اقربائك بحواله
● احد يدزلك من العراق
● شنو نوع تليفونك
● نوع خطك
● على منو تخابر بالعراق
● شكد فواتيرك
● يوجد احد يساعدك من داخل تركياا( اتراك )
● عندك اقرباء داخل تركيا وباي محافظه
● شلون جيتوا من العراق بر او طيران
● من وين دبرت اجره تذاكر السفر
● عندك حاله مرضيه
● شنو تتطلب من مساعده
● شنو الرساله لي تحب ان توصلها للمنظمه
● تستلم مساعدات من داخل تركيا (ماديه او غذائيه)
● بحال رجوعك للعراق شتتوقع
● منو عندك بالمدرسه
● رايك بمستوى التعليم والصحه
● نسبه اتقان اللغه
● يادوله تحب تسافر
● معامله الاتراك شلونهاا
● هم تتعرضون للمضايقه او العداوات والمشاكل
هاي اهم الاسئله الي دتنطرح عليكم
طبعاا وياخذون بعدهاا التقارير الطبيه وياخذولها صور وياخذون صور للبيت ويطلعون بعد ميشوفون غراضك
ويوجد بيهم يفتحون ثلاجاتكم ويشوفون شكو ماكو بيهااا
::::::::::::::::::::::❌:::::::::::::❌:::::::::::::::::::::::
هسه نجي نشرح شويه عن بعض الملاحظات المهمه والاسئله...
هاي اللجنه تجيك ب4 احتمالات...
● اولا..
انت مقابل مقابله الفسفوره
هاي النقطه بغض النظر اذا كنت حتاخذ فسفوره او حينطوك اعاده مقابله او تكميليه
هنا من تقابل مقابله الفسفوره وتتكلم قصتك اكيد دتطرق لوضعك المعيشي بتركيا
او دتكول اني عندي حاله مرضيه مثلا الي او لابني وتنطيهم تقاريرك الطبيه او حتى اذا لايوجد تقارير
فهناا الموظف يرفع اسمك لقسم المساعدات الماليه او الصحيه
وطبعا يوجد بيهم بعد المقابله يسوون ويا مقابله ماليه
خاصه بالحاله المعيشيه او الصحيه لي ذكرتهاا بعيد عن القصه
بعدها يكلولك اذهب لمحافظتك واحنه نجيك
وهنا يمكن شهر او 2 او 6 يلا يجوك
لان على اساس جدول الاسماء يفترون على المحافظات
● ثانياا..
اذا كنت ممقابل بعدك
هنا انت منطيك موعد بعيد وكاعد تضرب ع راسك
بس تريد تقابل
ويوميه رايح داز فاكس ويوميه باجي ماعندي وماعندي وامور وحالتي متدهوره واعاني من الفقر ومداكل واشرب وعندي 7 جهال
وعندي حالات مرضيه وهم يوميه دازلهم التقارير مالتك
يعني ضلمتهااا عليهم فد نوب
من كثر الملحه مالتك حيرفعون ملفك للجنه دراسات..
وتكون تحت احتمالين
✔ انك تحصل موعد مقابله ويدزون عليك تقابل
غالياا اذا كنت عابر السنه ونص
❌ يرفعون ملفك للجنه الماليه حتى يساعدوك بعد مينظرون بملفك ويجوك للبيت
غالبا متكون ويا الاخوه لي جايين جدد يعني معابرين السنه ونص والسنتين
〰〰〰〰〰〰〰〰
لكن احنه موضوعنا على الاحتمال الثاني
فهناا كثر الفاكسات والشكاوي قد تكون سبب في رفع ملفك لقسم الماليه ويخابروك بعدها ويكلولك حنجيك للبيت
● ثالثا...
ترشيحك من قبل مكتب اسام
هنا انت يوميه رايح مكرع راسهم وتبجيلهم ومكتب اسام دزلك فاكس وسجلك ع مساعدات اكثر من مره
فهنا مرات الامم المتحده تتصل على مكاتب اسام بالمحافظات بعد ميرفعلهم هو تقارير او شكاوي واصلته من اللاجىين بالمحافظه
فيكلوله اختارلنا فد 10 عوائل انطينا ملفاتهم لغرض زيارتهم للبيت ودراسه حالتهم
يعني هنا انت تتعجب تكول شجاب الUN لبيتي واني ممخابرهم ابد ولا شاكيلهم
بهاي الحاله يكون ابو مكتب اسام مرشحك من العوائل المطلوبه للزياره ودراسه الوضع المعيشي
● رابعاا..
هاي النقطه قليل تصير وياهم ويرادلهاا حظ
انهوو الامم المتحده اثناء دراسه الملفات والاتصالات التاكيديه الي تسويها كل فتره ويكون موقفك ايظااا تحت 3 احتمالات
1. يتصلون بيك بعد فتره وتحديد موعد مقابله
وهاي 👆 الفقره بشاره خير لكل الاخوه لي متأخرين واتصلوو عليهم هالفتره
2. يتصلون عليك ويحددولك موعد زياره للبيت
3. مجرد تاكيد معلومات
توضيحااات مهمه لكل الاخوه لي خابروووهم ع هاي المقابله
وبعض الاجوبه للاسئله المذكوره في بدايه الموضوع
- ضموا كل تليفوناتكم الحديثه وبقو بس الصرصر وكلسع اشعل وطفي باللايت بعينهم 😂
- عندك بلي ستيشن شيله ضمه لتكعد تستعرض مهاراتك كدامهم
- عندك بلازماا بالبيت شيلها امنها يم الجيران مؤقت
- اي جهاز كهربائي منزلي كخلاط او مكاين لحم وغيرها شيلوهاا
- حاولو تكونون كلكم موجودين خصوصا العوائل الكبار حتى يشوفوكم عائله جبيره ومستحقه للمساعده ويخترعون 😂
-----🛇 بعض الاسئله مع الاجوبه التوضيحيه 🛇-----
👈 يسألوكم شلون عايشين..؟
كله الاتراك يساعدوناا الجوارين ينقهرون علينه لان احنه لاجئين
وهنا يوجد مساعدات صمون وبعض الخضراوات يوزعون كل يوم نستلم والمنطقه الله ينطيهم العافيه كل فتره يدفعولنا الفواتير ومشيهاا وحالنا تعبان
👈 يسالوك تشتغل..؟
كلهم يوم اشتغل ينطوني 20 ليره و واسبوعين كاعد لايوجد عمل ادور محد يقبل يشغلناا يردون اذن عمل ويردون لغه
لو نشتغل بالمعامل شهر كامل بالاخير يكول
😂 هادي كيت بارا يوك 😂
ويعلسونا ويعلسون الفلوس عليناا
👈 يسألوك احد يحولك من العراق؟
كله مره وحده ابويه لو عمي حولنا ورقه وبعد وكال مااكدر لان حتى اهلي واهلها بالعراق امورهم تعبانه وحايرين بعيشتهم
👈 يسألوك شنو رأيك بالوضع بتركياا..؟
والله الوضع بالنسبه الي تعبان لان اني ماعرف شنو مصيري وشنو نهايتي ومستقبلي ومستقبل عائلتي
👈 يسالوك من المحتمل اذا تبقى بتركيا تعيش شنو رايك..؟
كلهم اني مهدد وحياتي بخطر واخاف الخطر يوصلني من لي هددوني بالعراق بعد ميعرفون بي هناا
لذلك اني مااحس بامان على حياتي او حياه عائلتي بتركيا
👈 يسالوك اي دوله تحب تروح
تكلهم اي دوله بعيده عن الخطر والتهديد لي صابني من بلدي
ودوله تحافظ على كرامتي وكرامه عائلتي
👈 شلون معامله اللتراك وياك.؟
كلهم يعني يوجد بيهم يضوجون من العرب ونلاكي مرات صعوبه بالتعامل معهم بسبب اللغه وغيرها
لكن ماعندي مشاكل
👈 يسالوك شنو رايك بالصحه
كلهم يعني لاباس بيها بس المشكله هي اللغه
👈 بحاله رجوعك للعراق شيصير..؟
يكون القتل والتصفيه مصيري ومصير عائلتي
جواب نموذجي عن حالتك
👈 شنو الرساله لي تحب توصلها للUN
👇👇👇الرساله هي..
انتو لجنه ممثله من قبل الUN واطلعتوا على حالنه وشفتو وضعنه الصحي والمادي والانساني وشفتوا بعينكم
احنه تعبنه من الغربه والانتظار .. ونتمنى من جنابكم ان تساعدونا وتنظرون بامرنا وقضيتناا لان احنا مجبورين صرنا لاجئين مو جايين من لاشيء
ورجعتنا الى البلد صارت مستحيله بسبب.. ( تحجي قصتك)
واحنا حتى هنا خايفين وممستقرين ونحس الخطر باي لحظه يمكن يوصلناا
فنتمنى منكم دعم ملفنا بغظ النظر ان يكون تسريع الملف بالنسبه للجوء
او يكون دعم مادي (مساعده او راتب)
************************ اسالتكم المتوقعه😂👇
⏪سؤال - اذا عندي شقه ملك وجوني زياره للبيت وعرفوا
تأثر على ملفي
جواب - لا
⏪سؤال - اني ساكن بغير محافظه واتصلو عليه ويردون يجوني شلون
جواب - كالهم اني بغير محافظه ساكن يم اقاربي حاليا لان عندي حاله مرضيه او طلعلهن عذر وكلهم بس ملتزم بالبصمه بمحافظتي
⏪سؤال - ممكن ان تفيدني هاي الزياره ع ملفي كمقابله
جواب - اكيد ان شاء الله تفيدك
⏪سؤال - هم ذوله ماليه لو شنوو
جواب - ذوله ممثلين ينقلون حالتك للامم المتحده وهناك يقررون انك تستحق مساعده ماليه او معاينه طبيه او مقابله
⏪سؤال -اني ممسجل جهالي بالمدرسه شلون تأثر عليه
جواب - لا
⏪سؤال - بعد الزياره هاي شكد ويصرفولي راتب وشلون اعرف
جواب - المده ممعلومه لكن تابع الصفحه وانتبه ع تليفونكم ممكن ان يتصلون بيك او ينزلوولك ع الصفحه منحه
او توصلك رساله ع تليفون من PTT
⏪سؤال - اني اتصلو بي وبعدها مجوني اتصلو لغو الموعد شنو هاي
جواب - انتظر حيجوك ويا عده عوائل ثانيه قريباا
⏪سؤال - عندي راتب مال سوسيل او الوالي اكلهم عليه
جواب - اي كلهم
ملاحظه....
المقابله واللجنه والدوخه هذه
لتخافون منهااا ابد سهله كلش
ربي يسر امركم احبتي
ويارب اكون افدتكم
● اعمل مشاركه خلي اخوك او صاحبك يستفاد..
■ اذا تحب يوصلك اشعار بكل مقالاتي اعمل متابعه للموقع بالاسفل اكتب ايميلك وسوف تتلقى اشعار بكل شي انزله ان شاء الله
مع تحياتي وتقديري للجميع
ليست هناك تعليقات:
إرسال تعليق